ក្រចេះ ៖ ទីតាំងសង្វៀនល្បែងសុីសង ខុសច្បាប់ជល់មាន់និងអាប៉ោង មួយកន្លែងរបស់លោកផល្លី បេីកលេងភ្នាល់ដាក់លុយ យ៉ាងអាណាធិបតេយ្យ អាជ្ញាធរមានសមត្ថកិច្ចនៅមូលដ្ឋានរក្សាភាពស្ងៀមស្ងាត់ មិនមានវិធានការទប់ស្កាត់ឬក៏បង្ក្រាបឡើយ ។

ពលរដ្ឋល្អសម្ដែងការព្រួយបារម្ភ អំពីសុវត្ថិភាពភូមិឃុំរបស់ពួកគាត់ ដែលមានបនល្បែងសុីសង ខុសច្បាប់ ពួកគាត់បានលើកឡើងថា ឯណាទៅពាក្យថា ភូមិឃុំ.សង្កាត់ មានសុវត្ថិភាពទាំង៧ ចំណុច បើនៅមូលដ្ឋានពោពេញដោយល្បែងសុីសង យ៉ាងគគ្រឹកគគ្រេងអាណាធិបតេយ្យយ៉ាងនេះ។

ប្រភពបានឲ្យដឹងថា ទីតាំងបនល្បែងសុីសង ជល់មាន់និងអាប៉ោង មួយនេះនៅក្បែរវត្ថដីដុះ ភូមិដីដុះលើ ឃុំព្រែកប្រសព្វ ស្រុកព្រែកប្រសព្វ ខេត្តក្រចេះ ដែលជារបស់លោកផល្លី និងមាន ២ទៅ៣កន្លែងផ្សេងទៀតសម្រាប់ចល័ត្ន លេងដូចជានៅក្នុងចំការស្វាយចន្ទី និងចំការកៅស៑ូ នៅស្រុក ព្រែកប្រសព្វដដែល។

ពាក់ព័ន្ធល្បែងស៊ីសង ជល់មាន់ និងអាប៉ោងខុសច្បាប់ខាងលេីនេះ អ្នកសារព័ត៌មានយើងបានទំនាក់ទំនងរាយការណ៍ ជួនទៅមេបញ្ជាការកងរាជអាវុធហត្ថស្រុកព្រែកប្រសព្វ តាមរយ: ទូរស័ព្ទ តែលោកបានប្រាប់ថា ឲ្យទាក់ទងទៅខាងលោកអធិការ ព្រោះនៅកន្លែងរបស់លោកខ្វះកម្លាំង ។ បន្ទាប់មកអ្នកសារព័ត៌មានយើងក៏ បានទំនាក់ទំនងទៅលោកអធិការនគរបាលស្រុកព្រែកប្រសព្វ តាមយរ:ទូរស័ព្ទចូលតែមិនមានអ្នកលើក ។ ចំណែកលោកអភិបាលស្រុកវិញមិនអាចទាក់នងបានទេ ព្រោះខលទូរសព្ទ័មិនចូល។

ក្រោយមកដោយគ្មានជម្រើសអ្នកសារព័ត៌មានក៏ បានចូលទៅថតផ្ដិតយករូបភាពដើម្បីផ្សាយឱ្យសមត្ថកិច្ចបានដឹងស្រាប់តែក្រុមអ្នកញៀនល្បែងទាំងនោះហាក់ដូចជាដឹងមុនក៏បាននាំគ្នាបំបែកវ៉ូងអស់ដោយបន្សល់ទុកតែកៅអីនិងតុកអាប៉ោងនៅកន្លែងលេងតែប៉ុណ្ណោះ ។

ពាក់ព័ន្ធបនល្បែងស៊ីសងជល់មាន់និងអាប៉ោងខាងលើនេះប្រជាពលរដ្ឋបានសូមណូមពរទៅលោកបានអភិបាលស្រុកព្រែកប្រសព្វ និងមេបញ្ជាការកងរាជអាវុធហត្ថស្រុក ព្រមទាំងលោក អធិការមេត្តាមានវិធានការណ៍ទប់ស្កាត់និងបង្ក្រាបផង ដើម្បីឲ្យស្របតាមគោល នយោបាយភូមិឃុំ.សង្កាត់ មានសុវត្ថិភាពទាំង ៧ចំណុចរបស់រាជរដ្ឋាភិបាលដែលដាក់ចេញដោយក្រសួងមហាផ្ទៃ។

ប៉ុន្តែអាជ្ញាធរមានសមត្ថកិច្ចស្រុកព្រែកប្រសព្វហាក់ដើរផ្ទុយពីគោលនយោបាយភូមិឃុំ.សង្កាត់មានសុវត្ថិភាព។

ពលរដ្ឋរងចាំមើលថា តើអាជ្ញាធរមានសមត្ថកិច្ចស្រុកព្រែកប្រសព្វ មានសមត្ថភាពក្នុងការបង្ក្រាបទីតាំងបនល្បែងស៊ីសង ជល់មាន់ និងអាប៉ោងរបស់លោកផល្លី បានដែរទេ..? ។

ប្រភពខ្លះបានខ្សឹបប្រាប់សារព័ត៌មានថា លោកផល្លី នេះជាមនុស្សមានប្រជាប្រិយភាព ល្អខាងទំនាក់ទំនងអាជ្ញាធរមានសមត្ថកិច្ចមូលដ្ឋាននៅស្រុកព្រែកប្រសព្វ ៕

    ត្បូងឃ្មុំ៖ថ្ងៃសៅរ៍ ៩កើត ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២៣ ខែកញ្ញា ឆ្នាំ២០២៣ ទីតាំងសង្វៀនជល់មាន់និងអាប៉ោងយូគីក្នុងកាស៊ីណូ គ្មានផ្លាកសញ្ញាសំគាល់ ដែលស្ថិតក្នុងភូមិអន្លង់ជ្រៃ ឃុំកក់ ស្រុកពញាក្រែក ខេត្តត្បូងឃុំ កំពុងប្រមូលនិងកៀងកអោយពលរដ្ឋខ្មែរចូលលេងយ៉ាងគគ្រឹកគគ្រែងហូរកញ្ជ្រៀវមិនខ្លាចញញើតមិនខ្លាចបំរាមរដ្ឋាភិបាល។

ហ៊ានបើកឲ្យពលរដ្ឋខ្មែរចូលលេង?

ពលរដ្ឋនៅក្នុងមូលដ្ឋានកំពុងរិះគន់យ៉ាងខ្លាំងបានប្រាប់អង្គភាពគេហទំព័រសុវណ្ណសិលា អោយដឹងថាទីតាំង(កាស៊ីណូចគ្មានផ្លាកសម្គាល់)កំពុងតែផ្គើននិងបទបញ្ជារបស់រាជរដ្ឋាភិបាលបែជាអាជ្ញាធរពាក់ព័ន្ធខេត្តត្បូងឃ្មុំហាក់បីដូចជាព្រងើយកន្តើយមិនអនុវត្តតាមបទបញ្ជាយ៉ាងមុឺងម៉ាត់អនុសាសន៍ដ៏ខ្ពង់ខ្ពស់ សម្ដេចអគ្គមហាសេនាតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា គ្រប់កាស៊ីណូទាំងឡាយណាដែលមានអាជ្ញាប័ណ្ណឲ្យប្រកបអាជីវកម្មបានតែមិនអនុញ្ញាតឲ្យពលរដ្ឋខ្មែរចូលលេងដាច់ខាត អនុញ្ញាតឱ្យតែភ្ញៀវបរទេសតែប៉ុណ្ណោះដែលចូលលេងបានបើសិនពាក់ព័ន្ធនឹងនៅក្នុងមូលដ្ឋានមួយណាមន្ត្រីពាក់ព័ន្ធក្នុងមូលដ្ឋាននោះនិងទទួលខុសត្រូវ សម្ដេច មិនញញើតនិងការដកតំណែងនោះឡើយ ដើម្បីចូលរួមកាត់បន្ថយភាពក្រីក្រនិងជៀសអំពើចោរកម្មផ្សេងក្នុងមូលដ្ឋាន។

ផ្ទុយទៅវិញ(កាស៊ីណូយីហោគ្មានផ្លាកយីហោង)កំពុងតែគៀងកឲ្យពលរដ្ឋខ្មែរចូលទៅលេងរាល់ថ្ងៃមិនខ្លាចញញើតដល់មន្ត្រីពាក់ព័ន្ធនៅក្នុងមូលដ្ឋានជាពិសេសមិនមានការទប់ស្កាត់ពីមន្ត្រីសមត្ថកិច្ចក្នុងខេត្តត្បូងឃ្មុំតែម្ដង។

ជុំវិញពាក់ព័ន្ធនឹងករណីល្បែងស៊ីសងខាងលើពលរដ្ឋនៅក្នុងមូលដ្ឋានស្នើសុំ លោក ជាម ច័ន្ទសោភ័ណ អភិបាលខេត្តត្បូងឃ្មុំនិងលោក ម៉ុន មាគ៌ា ស្នងការខេត្ត សូមបញ្ចេញសមត្ថភាពក្នុងការដឹកនាំកម្លាំងកូនក្រោមឱវាទរបស់ខ្លួនដើម្បីចុះពិនិត្យនិងស្រាវជ្រាវ។ ជុំវិញពាក់ព័ន្ធល្បែងកាស៊ីណូខាងលើកំពុងតែធ្វើព្យុះភ្លៀងកៀងគពលរដ្ឋខ្មែរឲ្យចូលទៅលេង កំពុងផ្គើនដល់អនុសាសន៍ដ៏ខ្ពង់ខ្ពស់សម្ដេចតេជោ ហ៊ុន សែន តើថ្នាក់ដឹកនាំខេត្តត្បូងឃ្មុំទាំងពីររូបមានចំណាត់ការយ៉ាងណាចំពោះកាស៊ីណូមួយកន្លែងនេះ។ដើម្បីចូលរួមទប់ស្កាត់រាល់បទល្មើសល្បែងសុីសងដែលកំពុងបង្កបង្កើតឱ្យមានអំពើអំពើចោលកម្មផ្សេងៗដូចជាចោរលួច-ចោរឆក់-ចោរប្លន់-គាស់ផ្ទះប្រជាពលរដ្ឋនិងអំពើហិង្សាក្នុងគ្រួសារជាដើមដោយសារតែល្បែងគឺជាដើមចោមនិងការបង្កើតបទល្មើសក្នុងមូលដ្ឋាន!

(រិះគន់ក្នុងន័យស្ថាបនា)ក្នុងការលើកឡើងដើម្បីចុះផ្សាយ របស់សារព័ត៌មាន គេហទំព័រសុវណ្ណសិលា យើងខ្ញុំចង់ឲ្យមានការឆ្លុះបញ្ចាំង ដើម្បីចូលរួមក្នុង ក្នុងការអភិវឌ្ឍន៍ប្រទេសជាតិ ឲ្យកាន់ តែរីកចំរើនក្រោមការដឹកនាំដ៏ឈ្លាសវៃ របស់សម្តេចអគ្គមហា សេនាបតី តេជោហ៊ុន សែន នាយករដ្ឋមន្ត្រីនៃព្រះរាជា ណាចក្រកម្ពុជា ។

    កាលពីវេលាម៉ោង ៨និង៤០នាទី ថ្ងៃទី១៩ ខែកញ្ញា ឆ្នាំ២០២៣ កម្លាំងជំនាញមូលដ្ឋានអាវុធហត្ថខណ្ឌដង្កោ បានទទួលបណ្តឹងផ្ទាល់មាត់ពីជនរងគ្រោះថាមានករណីជនសង្ស័យមួយក្រុម បានធ្វើសកម្មភាពផ្លោះរបងចូលផ្ទះសំណាក់បិទទ្វារចោលមួយកន្លែង នៅចំណុច ភូមិខ្វា សង្កាត់ដង្កោ ខណ្ឌដង្កោ ក្នុងបំណងលួចសម្ភារមានតម្លៃផ្សេងៗ។  បន្ទាប់ពីទទួលពាក្យបណ្តឹងរួច កម្លាំងជំនាញមូលដ្ឋានអាវុធហត្ថខណ្ឌដង្កោ បានចុះទៅដល់កន្លែងកើតហេតុធ្វើការអន្តរាគមន៍ឃាត់បានជនសង្ស័យម្នាក់ឈ្មោះ ពេជ្រ ណារិទ្ធ ភេទប្រុស អាយុ២៧ឆ្នាំ ភ្លាមៗ។ ក្រោមវិធានការជំនាញជនសង្ស័យបានបន្តចង្អុលបង្ហាញទៅឃាត់ខ្លួនជនសង្ស័យទី២ ឈ្មោះ  កាន សុខជាតិ ភេទប្រុស អាយុ២៥ឆ្នាំ នៅចំណុច បន្ទប់ផ្ទះសំណាក់បឹងតាម៉ាត ស្ថិតក្នុងភូមិខ្វា សង្កាត់ដង្កោ ខណ្ឌដង្កោ។ រហូតមកដល់ម៉ោង ១៤និង៥០នាទី ថ្ងៃដដែល កម្លាំងជំនាញមូលដ្ឋានអាវុធហត្ថខណ្ឌដង្កោ បន្តសហការជាមួយកម្លាំងជំនាញការិយាល័យប្រឆាំងបទល្មើស ព្រហ្មទណ្ឌ កងរាជអាវុធហត្ថរាជធានីភ្នំពេញ និង កម្លាំងអាវុធហត្ថខណ្ឌទួលគោក ចុះឃាត់ខ្លួនជនសង្ស័យទី៣ ឈ្មោះ កេង ហុង ភេទប្រុស អាយុ ២៥ឆ្នាំ មុខរបរសន្តិសុខ នៅចំណុចធនាគារមួយកន្លែង ផ្លូវ២៨៩ ភូមិ១៥ សង្កាត់បឹងកក់ទី២ ខណ្ឌទួលគោក។

តាមចម្លើយសារភាពរបស់ ជនសង្ស័យទាំង០៣នាក់ បានឲ្យដឹងដូចៗគ្នាថា កន្លងមកពួកខ្លួនធ្លាប់ធ្វើសកម្មភាពចូលលួចសម្ភារមានតម្លៃផ្សេងៗ និងកាច់កម៉ូតូអស់ជាច្រើនលើកមកហើយ ទាំងក្នុងភូមិសាស្រ្តរាជធានីភ្នំពេញ និងខេត្តកំពង់ស្ពឺ។ ដោយក្នុងនោះជនសង្ស័យ ពេជ្រ ណារិទ្ធ បានបន្តថា កន្លងមកខ្លួនធ្លាប់ធ្វើសកម្មភាពលួចចំនួន០៥លើក ដោយលើកទី០១ អំឡុងខែមិថុនា ឆ្នាំ២០២៣ បានធ្វើសកម្មភាពកាច់កម៉ូតូ០១គ្រឿងម៉ាក ហុងដា សេ១២៥ នៅចំណុចផ្សារទូលពង្រ, លើកទី០២ អំឡុងខែកក្កដា ឆ្នាំ២០២៣ ធ្វើសកម្មភាពលួចម៉ូតូសណ្តោងរ៉ឺមក នៅចំណុចផ្សារពោធិញាណ និងលើកទី០៣ នៅពាក់កណ្តាល ខែសីហា ឆ្នាំ២០២៣​ ធ្វើសកម្មភាពលួចម៉ូតូ ០១គ្រឿង នៅចំណុចជិតសាលាកសិកម្មចំការដូង, លើកទី០៤ កាលពីថ្ងៃទី០៩ ខែកញ្ញា ឆ្នាំ២០២៣ បានធ្វើសកម្មភាពលួចម៉ូតូ០១គ្រឿងម៉ាក ហុងដា វ៉េវ នៅចំណុចបឹងតាមោក និងលើកទី០៥ នេះ បានធ្វើសកម្មភាពផ្លោះរបងចូលផ្ទះសំណាក់បិទទ្វារចោលមួយកន្លែង បំណងលួចសម្ភារមានតម្លៃផ្សេងៗ នៅចំណុចទីតាំងខាងលើ​ ក៏ត្រូវបានសមត្ថកិច្ចអាវុធហត្ថចុះឃាត់ខ្លួនតែម្តង។ ចំណែកឯជនសង្ស័យ កេង ហុង បានឆ្លើយសារភាពឲ្យដឹងថា កន្លងមក ខ្លួនធ្លាប់បានធ្វើសកម្មភាពលួចកាច់កម៉ូតូចំនួន ០៥លើក នៅឯខេត្តកំពង់ស្ពឺ។

បច្ចុប្បន្នជនសង្ស័យទាំង០៣នាក់ខាងលើ ត្រូវបានកម្លាំងជំនាញការិយាល័យប្រឆាំងបទល្មើសព្រហ្មទណ្ឌ នៃ កងរាជអាវុធហត្ថរាជធានីភ្នំពេញ កសាងសុំណុំរឿងបញ្ជូនទៅតុលាការ ដើម្បីចាត់ការតាមនីតិវិធីច្បាប់៕

    ឯកឧត្តមឧបនាយករដ្ឋមន្ត្រី​ សាយ សំអាល់៖​ក្រសួងរៀបចំដែនដី​ នគរូបនីយកម្ម​ និងសំណង់ ឯកភាពជាមួយសមាគម​វាយនភណ្ឌ​ សម្លៀកបំពាក់​ ស្បែកជេីងនិងផលិតផលដំណេីរការនៅកម្ពុជា (TAFTAC) ក្នុងការសម្រួលនីតិវិធីចេញវិញ្ញាបណ្ណបត្រប្រេីប្រាស់សំណង់ជូនអគាររោងចក្រទូទាំងព្រះរាជាណាចក្រកម្ពុជាឱ្យបានឆាប់។

--------------------
(​ក្រសួង​រៀប​ចំ​ដែនដី​ នគរូបនីយកម្ម​ និង​សំណង់)នេះជាប្រសាសន៍របស់ ឯកឧត្តមឧបនាយករដ្ឋមន្ត្រី​ សាយ សំអាល់ រដ្ឋមន្ត្រី​ក្រសួង​រៀប​ចំ​ដែនដី​ នគរូបនីយកម្ម​ និង​សំណង់​ ថ្លែងក្នុងជំនួបជាមួយសមាគមវាយនភណ្ឌ​ សម្លៀកបំពាក់​ ស្បែកជេីងនិងផលិតផលដំណេីរការនៅកម្ពុជា (TAFTAC) នៅរសៀលព្រហស្បតិ៍ ថ្ងៃទី២១​ ខែកញ្ញា ឆ្នាំ២០២៣​ ។