ខេត្តកោះកុង៖ ថ្ងៃពុធ ១១កើត ខែភទ្របទ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៣ ខែកញ្ញា ឆ្នាំ២០២៥ សម្តេចពិជ័យសេនា ទៀ បាញ់ ប្រធានក្រុមការងារគណបក្សចុះមូលដ្ឋានខេត្តកោះកុង បានអញ្ជើញជាអធិបតីក្នុងពិធីប្រកាសផ្ទេរតំណែងប្រធានគណៈកម្មាធិការគណបក្សខេត្តកោះកុង នៅសាលប្រជុំមជ្ឈមណ្ឌល ស៊ូន នឹង ដោយមានសមាជិក សមាជិកាចូលរួមប្រមាណ១,០០០នាក់។
គូសបញ្ជាក់ផងដែរ ដោយ លោកជំទាវ មិថុនា ភូថង ត្រូវបានសម្រួលភារកិច្ច និងតែងតាំងជា សមាជិកាគណៈកម្មាធិការគណបក្សក្រសួងកិច្ចការនារី ទើបគណ:អចិន្ត្រៃយ៍នៃគណ:កម្មាធិការកណ្តាល សម្រេចតែងតាំង លោកជំទាវ ឈី វ៉ា ជាប្រធានគណ:កម្មាធិការគណបក្សខេត្តកោះកុង៕
