អស់ហើយឲ្យតែយ៉ាងនេះដឹងតែរលាយហើយ រ៉ែមាស នៅចំណុចភ្នំតាង៉ោល កំពុងរងការបំភ្លេចបំផ្លាញយ៉ាងអាណាធិបតេយ្យ ជំនាញពាក់ព័ន្ធមិនទប់ស្កាត់

   ខេត្តបាត់ដំបង៖ ពលរដ្ឋរាយការណ៍ថាមានទីតាំងអាជីវកម្មរ៉ែមាស មានច្បាប់ និងអត់ច្បាប់ រាប់សិបកន្លែង កំពុងតែដំណើរការយ៉ាងរលូន ស្ថិតនៅ ភូមិភ្នំព្រឹក ឃុំភ្នំព្រឹក ស្រុកភ្នំព្រឹក ខេត្តបាត់ដំបង ទីតាំងទាំងនេះ មានទាំងជនជាតិចិន ជនជាតិវៀតណាម និងជនជាតិខ្មែរ ។

នេះបើយោងតាមសេចក្ដីរាយការណ៍របស់ប្រជាពលរដ្ឋ បន្ទាប់ពីមានសេចក្ដីរាយការណ៍របស់ប្រជាពលរដ្ឋអង្គភាពសារព័ត៌មានយើងក៏ចុះទៅផ្ដិតយករូបភាពនៅទីតាំងរុករកអារ៉ែមាសខាងលើ តាមរណ្ដៅមួយៗ ឃើញថា ពិតជាមានអាជីវកម្មរ៉ែមាស ដូចដែលពលរដ្ឋបានរាយការណ៍មែន។

ប្រភពពីប្រជាពលរដ្ឋបានឲ្យដឹងទៀតថា កាលពីថ្ងៃទី០៨ខែសីហាឆ្នាំ២០២៥ កន្លងទៅកម្លាំងជំនាញ អធិការនៃអធិការនគរបាលស្រុកភ្នំព្រឹក បានចុះបង្ក្រាបទីតាំងរុករករ៉ែមាស មួយកន្លែង ដោយឃាត់ខ្លួនមនុស្សចំនួន៤នាក់ និងបានដករហូតម៉ាស៊ីនចំនួន០១ គ្រឿង ដើម្បីចាត់ការតាមនីតិវិធីច្បាប់ ។
ប្រភពបន្តថា ក្រោយមកក៏មានការដោះលែងឱ្យត្រឡប់មកផ្ទះវិញ ។

ប្រជាពលរដ្ឋក៏ដូចជាគ្រួសារជនរងគ្រោះបាននិយាយថា សមត្ថកិច្ចធ្វើនេះដូចជាអយុត្តិធម៌ពេកហើយ ព្រោះទីតាំង រុករករ៉ែមាស នៅស្រុកភ្នំព្រឹកនេះ មានរាប់សិបកន្លែង បែជាកន្លែងខ្លះបង្ក្រាប កន្លែងខ្លះទៀតអត់បង្ក្រាប ។