ព្រះសង្ឃ ថ្នាក់ដឹកនាំខេត្ត មន្រ្តីរាជការ និងពលរដ្ឋជាង២ម៉ឺននាក់ នៅខេត្តកោះកុង និមន្ត និងចូលរួមដង្ហែរក្បួនធម្មយាត្រា ដើម្បីសន្តិភាព និងបង្សុកូលឧទ្ទិសកុសល ជូនវិញ្ញាណក្ខន្ធវីរកងទ័ព ដែលពលីជីវិត ដើម្បីបូរណភាពទឹកដី ដែលបានប្រព្រឹត្តធ្វើឡើងនៅរសៀលម៉ោង៣៖០០នាទី ថ្ងៃទី២៤ ខែសីហា ឆ្នាំ២០២៥ នៅស្តូបវិមានឯករាជ្យ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង។
ការដង្ហែក្បួនធម្មយាត្រានេះ ក្រោមវត្តមានព្រះសង្ឃ ព្រះលក្ខណ៍មុន្នី វង្ស ពិជ័យ ព្រះមេគណគណៈធម្មយុត្តិកនិកាយខេត្ត និងព្រះធម្មានុរក្ខ័បាល លី វិចិត្រ ព្រះបាឡាត់គណៈសង្ឃ លោកជំទាវ មិថុនា ភូថង រដ្ឋលេខាធិការក្រសួង កិច្ចការនារី, លោកជំទាវ ឈី វ៉ា អភិបាលខេត្តកោះកុង លោក លោកស្រី អភិបាលរង ខេត្ត មន្រ្តីរាជការគ្រប់ស្ថាបន្ន និងពលរដ្ឋជាង២ម៉ឺននាក់ និមន្តជួបជុំគ្នា ដង្ហែក្បួនធម្មយាត្រា ដើម្បីបង្ហាញការគាំទ្រសន្តិភាព និងគាំទ្របទឈប់បាញ់ រវាងកម្ពុជា និងថៃ៕
